काठमाडौं । नेपाली सेयर बजारले यो साता भने लय समातेको छ । राजावादी आन्दाेलन र राजनीतिक अस्थिरताकाे हल्लाले घट्ने आँकलन गरिएकाे भएपनि बजारले भने सकारात्मक दिशा तय गरेकाे छ । केही हप्तादेखि राताम्मै रहेको सेयर बजार यो साता भने हरीयाली नै रहेकाे छ । ४ दिन मात्र सेयर कारोबार भएको याे सातामा कारोबार दिन मात्र सेयर बजार घटेको थियो भने तीन दिन बजारले बढेकाे थियाे ।
समग्रमा ४०.०९ अंकले बजार बढ्दै याे साता २७०३.३९ बिन्दुमा पुग्दा ५ करोड २१ लाख ८९ हजार १ सय ९२ कित्ता सेयर किनबेच भयाे भने २६ अर्ब ६५ करोड ५० लाख ९६ हजार २ सय ८६ रुपैयाँ बराबरको कारोबार समेत भएको छ ।
यस्तो छ साताको सेयर बजार :
चैत १५ गते आन्दाेलनका कारणा घट्ने आँकलन भएकाे बजार आन्दोलनलाई बेवास्था गर्दै साताकाे पहिलाे काराेबार दिन बजारमा २९.८२ अंकको बढोत्तरी भएकाे थियाे । उक्त दिन बजार वृद्धिसँगै कारोबार रकम पनि बढेको थियो । आन्दोलनले बजार घट्ने अनुमानकाबिच लगानीकर्ताहरुले भने बजारमा साढे ७ अर्ब बढी लगानी गरेका थिए ।
साताको पहिलो कारोबार दिन आइतबार अर्थात चैत १७ गते सेयर बजार दोहोरो अंकले बढेको थियो । आइतबार नेपाल स्टक एक्सचेञ्ज (नेप्से) २९.८२ अंकले बढेर २६९३.१२ को बिन्दुमा पुगेर बजार बन्द भएको थियो ।
सो दिन ३२३ कम्पनीको १ करोड ५५ लाख ७२ हजार ८ सय ६२ कित्ता सेयर किनबेच हुँदा ७ अर्ब ५६ करोड ८२ लाख २६ हजार १ सय ९७ रुपैयाँ बराबरको कारोबार भएको थियो । आइतबार २ सय २२ कम्पनीको सेयर मूल्य बढ्दा २२ कम्पनीको सेयर मूल्य घटेको थियो ।
साथै, सो दिन १ कम्पनीको सेयर मूल्यमा सकारात्मक सर्किट लागेको थियो भने एक कम्पनीको सेयर मूल्य ५.७९ प्रतिशतले घटेको थियो ।
साताको तेस्रो कारोबार दिन अर्थात मंगलबार चैत १९ गते सेयर बजार १५.५७ अंकले घटेर २६७७.५५ मा पुगेको थियो ।
मंगलबार ३ सय २० कम्पनीको १ करोड ६ लाख ७० हजार ६ सय ४९ कित्ता सेयर किनबेच हुँदा ५ अर्ब ७९ करोड ७७ लाख ९१ हजार ७ सय रुपैयाँ बराबरको कारोबार भएको थियो । सो दिन ४२ कम्पनीको सेयर मूल्य बढ्दा २०१ कम्पनीको सेयर मूल्य घटेको थियो ।
साथै, मंगलबार गार्डियन माइक्रो लाइफ इन्स्योरेन्स कम्पनीको सेयरमा सकारात्मक सर्किट लागेको थियो भने गुराँस लघुवित्तको सेयर ५.९६ प्रतिशतले घटेको थियो ।
साताको चौथो कारोबार दिन अर्थात चैत २० गते सेयर बजार २५.३१ अंकले बढेर २७०१.४८ को बिन्दुमा पुगेर बजार बन्द भएको थियो ।
बुधबार ३ सय १८ कम्पनीको १ करोड ४ लाख ४२ हजार ६ सय ८३ कित्ता सेयर किनबेच हुँदा ५ अर्ब ४४ करोड ४४ लाख ३५ हजार ९ सय १ रुपैयाँ बराबरको कारोबार भएको थियो । बुधबार १ सय ६६ कम्पनीको सेयर मूल्य बढ्दा ७८ कम्पनीको सेयर मूल्य घटेको छ ।
साथै, सो दिन २ कम्पनीको सेयर मूल्यमा सकारात्मक सर्किट लागेको थियो भने एक कम्पनीको सेयर मूल्यमा नकारात्मक सर्किट लागेको थियो ।
साताको अन्तिम कारोबार दिन अर्थात चैत २१ गते सेयर बजार २.८१ अंकले बढेर २७०२.८६ को बिन्दुमा पुगेर बजार बन्द भएको हो ।
बिहीबार ३२४ कम्पनीको १ करोड ५५ लाख २ हजार ९ सय ९८ कित्ता सेयर किनबेच हुँदा ७ अर्ब ८४ करोड ४६ लाख ४२ हजार ४ सय ८७ रुपैयाँ बराबरको कारोबार भएको छ । बिहीबार ९३ कम्पनीको सेयर मूल्य बढ्दा १५१ कम्पनीको सेयर मूल्य घटेको छ ।
साथै, सो दिन १ कम्पनीको सेयर मूल्यमा सकारात्मक सर्किट लागेको छ भने एक कम्पनीको सेयर मूल्य ९.१० प्रतिशतले घटेको छ ।
प्रतिक्रिया दिनुहोस्