ट्रम्पले विश्वभर डरको शासन गर्न खोजेका छन् : पूर्व उपराष्ट्रपति ह्यारिस

काठमाडौं । पूर्व अमेरिकी उपराष्ट्रपति कमला ह्यारिसले नोभेम्बरको चुनाव हारेपछि आफ्नो पहिलो प्रमुख भाषणमा बुधबार डोनाल्ड ट्रम्प र उनका समर्थकहरूको आलोचना गरेकी छिन् । पराजित डेमोक्रेट ह्यारिसले समर्थकहरूलाई पछिल्ला तीन महिनाको देखिएको ‘अराजकता’ वास्तवमा कन्जरभेटिभहरूको लामो समयदेखि चाहेको योजनाको प्रतिफल हो भन्दै यसले ट्रम्पलाई संयुक्त राज्य अमेरिकालाई आफ्नै फाइदाका लागि प्रयोग गरिरहेको बताइन् ।

“वास्तवमा, हामी जे देखिरहेका छौँ त्यो एक उच्च गतिको घटना हो, जहाँ दशकौँदेखि बनाइरहेको एजेन्डाको द्रुत कार्यान्वयनका लागि एउटा माध्यम प्रयोग भइरहेको छ”, उनीले सान फ्रान्सिस्कोमा समर्थकहरूलाई भनिन्, “सार्वजनिक शिक्षामा कटौती गर्ने एजेन्डा, सरकारलाई सङ्कुचित गर्ने र त्यसपछि यसका सेवाहरूको निजीकरण गर्ने एजेन्डा, सबैभन्दा धनीलाई कर छुट दिइरहेका छन्, अमेरिकाको एक साँघुरो, स्वार्थी दृष्टिकोण जहाँ उनीहरूले सत्य बोल्नेहरूलाई दण्डित गर्छन्, वफादारहरूलाई पक्षपात गर्छन्, आफ्नो शक्तिको दुरुपयोग गर्छन् र सबैलाई आफ्नै भरमा छाड्छन् ।”

ट्रम्पको सत्तामा पहिलो एक सय दिन आप्रवासनदेखि विदेशी सहायतासम्म सबै कुरालाई सम्बोधन गर्ने कार्यकारी आदेशहरूको चाखलाग्दो शृङ्खलाले चिह्नित गरेको छ । अदालतसँगको भिडन्तसहित लोकतान्त्रिक र संवैधानिक मापदण्डहरू लापरवाहीपूर्वक उल्लङ्घन गर्ने प्रतिशोधात्मक प्रशासन भएको भन्दै आलोचकहरू स्तब्ध भएका छन् ।

ट्रम्पका समर्थकहरूले केही द्रुत परिवर्तनहरूको प्रशंसा गरेका छन्, तर हालैका सर्वेक्षणले देशको बहुमत राजनीतिक र आर्थिक हलचलप्रति विशेष गरी उनको बारम्बार परिवर्तन हुने भन्सार शुल्कबाट निराश हुँदै गएको देखाएको छ । सन् २०२६ मा आफ्नो गृहराज्य क्यालिफोर्नियाको गभर्नर पदको दौड वा सन् २०२८ मा ह्वाइट हाउसको सम्भावित दौडका लागि विचार गरिरहेकी ह्यारिस जनवरीमा वासिङ्टन छोडेपछि धेरै हदसम्म चर्चाबाट टाढा रहेकी छिन् ।

बुधबार उनी डेमोक्रेटिक महिलाहरूलाई सार्वजनिक पदका लागि भर्ती र तालिम दिने राजनीतिक संस्था इमर्जद्वारा सञ्चालित कार्यक्रममा अतिथि वक्ता थिइन् । ह्यारिसले भीडलाई ट्रम्पले विपक्षीलाई डराउन चाहेकाले विश्वविद्यालयहरू र अदालतहरूलाई लक्षित गरिरहेको बताइन् ।

“राष्ट्रपति ट्रम्प, उहाँको प्रशासन र उहाँका सहयोगीहरूले डर सङ्क्रामक हुन सक्छ भन्ने धारणामा भरोसा गरिरहेका छन्”, उनले भनिन्, “उनीहरू विश्वास गर्छन् कि, यदि उनीहरूले केही मानिसलाई डराउन सके भने, यसले अरूमाथि चिसो प्रभाव पार्नेछ ।” तर उहाँले त्यहाँ न्यायाधीशहरू, शिक्षाविद्हरू, राजनीतिज्ञहरू र साधारण मानिसहरू छन् जो सरकारको विरुद्ध उभिरहेका छन् भन्नुभयो । “डर मात्र सङ्क्रामक कुरा होइन । साहस सङ्क्रामक हुन्छ”, उहाँले भन्नुभयो, “यी सबै अमेरिकीहरूको साहसले मलाई प्रेरणा दिन्छ ।”