दाेहाराे अंकले बढ्याे सेयर बजार, काराेबार रकम ५ अर्ब ४४ कराेड माथि

काठमाडौं । साताको चौथो कारोबार दिन सेयर बजार दोहोरो अंकले बढेको छ । नेपाल स्टक एक्सचेञ्ज (नेप्से) परिसूचक २५.३१ अंकले बढेर २७०१.४८ को बिन्दुमा पुगेर बजार बन्द भएको हो ।

बुधबार ३१८ कम्पनीको १ करोड ४ लाख ४२ हजार ६ सय ८३ कित्ता सेयर किनबेच हुँदा ५ अर्ब ४४ करोड ४४ लाख ३५ हजार ९ सय १ रुपैयाँ बराबरको कारोबार भएको छ ।

बुधबार सिईडीबी होल्डीङ्ग लिमिटेड र हिमालयन रि इन्स्योरेन्सको सर्वाधिक करोबार भएको छ । कम्पनीको ३६ करोड ५५ लाख रुपैयाँ संकलन भएको छ । कम्पनीको सेयर मूल्य प्रतिकित्ता २ हजार ४ सय ५५ रुपैयाँ पुगेको छ भने हिमालयन रि को ३५ करोड ६ लाख रुपैयाँ बढी संकलन भएको छ भने कम्पनीको सेयर मूल्य प्रतिकित्ता १ हजार २८ रुपैयाँ पुगेको छ ।

बुधबार १६६ कम्पनीको सेयर मूल्य बढ्दा ७८ कम्पनीको सेयर मूल्य घटेको छ ।

साथै, बुधबार २ कम्पनीको सेयर मूल्यमा सकारात्मक सर्किट लागेको छ भने एक कम्पनीको सेयर मूल्यमा नकारात्मक सर्किट लागेको छ ।