राजतन्त्रको हल्लाको सेयर बजारमा भारी गिरावट, कारोबार रकम १० अर्ब

काठमाडौं । राजतन्त्रको हल्लाले सेयर बजारमा भारी गिरावट आएको छ । साताको पहिलो कारोबार दिन नेपाल स्टक एक्सचेञ्ज (नेप्से) परिसूचक ४६.३३ अंकले घटेर २७७२.१० मा पुगेको हो ।

आइतबार ३१५ कम्पनीको २ करोड २७ लाख २६ हजार २ सय ८३ कित्ता सेयर किनबेच हुँदा १० अर्ब ९ करोड ३६ लाख ५४ हजार रुपैयाँ बढीको कारोबार भएको छ । आइतबार २४ कम्पनीको सेयर मूल्य बढ्दा २१७ कम्पनीको सेयर मूल्य घटेको छ भने २ कम्पनीको सेयर मूल्य स्थिर रहेको छ ।

आइतबार हिमालयन रि इन्स्योरेन्सको सबैभन्दा धेरै कारोबार भएको छ । कम्पनीको १ अर्ब १२ करोड ४८ लाख ४९ हजार ९ सय ६४ रुपैयाँ कारोबार भएको छ । कम्पनीको सेयर मूल्य प्रतिकित्ता १ हजार ४६ रुपैयाँ रहेको छ ।

आइतबार ३ कम्पनीको सेयरमा सकारात्मक सर्किट लागेको छ भने २ कम्पनीको सेयर मूल्यमा नकारात्मक सर्किट लागेको छ ।