काठमाडौं । साताको तेस्रो कारोबार दिन सेयर बजार दोहोरो अंकले घटेको छ । नेपाल स्टक एक्सचेञ्ज (नेप्से) परिसूचक १५.५७ अंकले घटेर २६७७.५५ मा पुगेको हो ।
मंगलबार ३२० कम्पनीको १ करोड ६ लाख ७० हजार ६ सय ४९ कित्ता सेयर किनबेच हुँदा ५ अर्ब ७९ करोड ७७ लाख ९१ हजार ७ सय रुपैयाँ कारोबार भएको छ ।
मंगलबार हिमालयन रि इन्स्योरेन्सको सर्वाधिक करोबार भएको छ । कम्पनीको ६४ करोड २५ लाख ६६ हजार ६२२ रुपैयाँ संकलन भएको छ । कम्पनीको सेयर मूल्य प्रतिकित्ता १ हजार १७ रुपैयाँ पुगेको छ ।
मंगलबार ४२ कम्पनीको सेयर मूल्य बढ्दा २०१ कम्पनीको सेयर मूल्य घटेको छ ।
साथै, आज गार्डियन माइक्रो लाइफ इन्स्योरेन्स कम्पनीको सेयरमा सकारात्मक सर्किट लागेको छ भने गुराँस लघुवित्तको सेयर ५.९६ प्रतिशतले घटेको छ ।
प्रतिक्रिया दिनुहोस्