बर्दिबासमा टाटा Yodha 1.5T को क्षेत्रीय लन्च कार्यक्रम सम्पन्न

बर्दिबास । नेपालका लागि टाटा मोटर्सको एकमात्र आधिकारिक वितरक सिप्रदी ट्रेडिङ्ग प्रा. लि. ले टाटा Yodha 1.5T को क्षेत्रीय लन्च कार्यक्रम बर्दिबासमा भव्य रूपमा सम्पन्न गरेको छ ।

कार्यक्रममा प्रमुख अतिथि वकिल यादव, अध्यक्ष, फर्निचर व्यवसायी संघ, मिथिला नगरपालिका, तथा विशेष अतिथि जटा शंकर यादव, प्रहरी निरीक्षक, बर्दिबास को उपस्थितिमा गाडी सार्वजनिक गरियो। साथै, विशिष्ट अतिथि सन्तोष साह, अध्यक्ष, उद्योग वाणिज्य संघ, मिथिला नगरपालिका को समेत उपस्थिति रहेको थियो।

टाटा Yodha 1.5T का प्रमुख विशेषताहरू:
शक्तिशाली 3L (2956 CC) डीजल इन्जिन – २५०Nm टर्क सहित
१५०० किलोग्राम (1.5 टन) सम्मको भार बहन क्षमता
३०% ग्रेडिएबिलिटी – अप्ठ्यारा बाटाहरू सहज पार गर्न सक्षम
मजबुत बनावट, उच्च ग्राउन्ड क्लियरेन्स र आरामदायी ड्राइभिङ्ग अनुभव
४x२ तथा ४x४ विकल्पमा उपलब्ध

कार्यक्रममा बोल्दै सन्तोष साह ले टाटा Yodha 1.5T को मजबुत बनावट, उच्च भार बहन क्षमता, र टिकाउपन को प्रशंसा गर्दै भने, ‘व्यावसायिक प्रयोजनका लागि भरपर्दो गाडी खोज्ने ग्राहकहरूको लागि यो एक उत्कृष्ट विकल्प हो। साथै, सिप्रदी ट्रेडिङ्गको बिक्रीपछिको सेवा नेपालभर छरिएको छ, जसले ग्राहकहरूलाई सहज रूपमा सेवा दिनेछ।’

त्यस्तै, जटा शंकर यादव ले यातायात सुरक्षाको महत्व बारे जोड दिँदै भने, ‘सुरक्षित यात्रा र व्यवसायको लागि टिकाउ तथा भरपर्दो गाडी मात्र पर्याप्त हुँदैन, ट्राफिक नियमको पालना गर्नु पनि उत्तिकै आवश्यक छ। टाटा Yodha 1.5T सुरक्षित र आरामदायी ड्राइभिङ्ग अनुभव दिन सक्षम छ, जसले ट्राफिक सुरक्षामा पनि योगदान पुर्‍याउनेछ।’

कार्यक्रममा बोल्दै, AGM – CV Sales, सिप्रदी, कृष्ण चन्द ले भने, ‘टाटा Yodha केवल एउटा पिकअप मात्र होइन, यो व्यवसायको लागि भरपर्दो साझेदार हो। यसमा टिकाउ प्रविधि, उच्च भार बहन क्षमता, तथा ईन्धन कुशलता रहेको छ, जसले नेपाली व्यवसायीहरूलाई उत्पादकता बढाउन र सञ्चालन खर्च घटाउन मद्दत गर्दछ। हामी विश्वस्त छौं कि टाटा Yodha 1.5T ले ग्राहकहरूको अपेक्षा पूरा गर्नेछ।’

सिप्रदी ट्रेडिङ्ग प्रा. लि. ले नेपालभर आफ्नो सशक्त बिक्री तथा सेवा नेटवर्क मार्फत ग्राहकहरूको आवश्यकताहरू पूरा गर्दै आएको छ। टाटा Yodha 1.5T को यस क्षेत्रीय सार्वजनिक कार्यक्रममा सहभागी सम्पूर्ण महानुभावहरूलाई धन्यवाद ज्ञापन गर्दै, सिप्रदी ले भविष्यमा पनि उत्कृष्ट सेवा र उत्पादहरू प्रदान गर्ने प्रतिबद्धता दोहोर्याएको छ।