सिंहदरबार संवाददाता
सिन्धुपाल्चोक । नेकपा एकीकृत समाजवादी सिन्धुपाल्चोक जिल्ला कमिटीको अध्यक्षमा बिनोद खनाल चयन भएका छन् । एकिकृत समाजवादीले जिल्ला कमिटी पुनर्गठन गर्दै खनाललाई अध्यक्ष बनाएको हो । हालसम्म नवराज पौडेलले जिल्ला कमिटी अध्यक्षको जिम्मेवारी सम्हाल्दै आएका थिए ।
नेकपा एसका उपमहासचिव गंगालाल तुलाधरको उपस्थितिमा भएको बैठकले यस अघि अधिवेशनबाट निर्वाचित भएका अध्यक्ष नवराज पौडेललाई बिदाइ गर्दै खनाललाई अध्यक्ष बनाएको हो ।
बैठकले अनिता लामा उपाध्यक्ष, कुमारराज घतानी सचिव, सह–सचिवमा नरेन्द्र खडका र ईश्वरीप्रसाद अधिकारी २ नम्बर क्षेत्रीय संयोजकमा रामलाल विक, २ ९ख० संयोजकमा कामी सुनार, २ (क) संयोजकमा रामप्रसाद चौलागाईं लाई छनोट गरिएको अध्यक्ष खनालले जानकारी दिए ।
त्यस्तै प्रतिनिधिसभा –१ को संयोजकमा मेहरमान विक र ‘ख’ मा यज्ञराज न्यौपानेलाई संयोजकमा छनोट गरिएको छ ।
कमिटी पुनर्गठन भएसँगै अब आफूहरू संगठन बिस्तारमा लाग्ने अध्यक्ष खनालले जानकारी दिए । खनाल २०६५ सालको स्ववियु निर्वाचनमा रत्नराज्यलक्ष्मी क्याम्पसमा सचिव निर्वाचित भएका थिए ।
प्रतिक्रिया दिनुहोस्