सिंहदरबार संवाददाता
काठमाडौं । सिटिजन लाइफ इन्स्योरेन्सले जाजरकोट शाखा अन्तर्गत भूकम्प प्रभावितका लागि विशेष सहायता कक्ष तयार गरेको छ । कम्पनीले कठिन समयमा यथाशीघ्र जीवन बीमा दावी भुक्तानीको लागि सो विशेष सहायता कक्ष तयार गरिएको हो।
जाजरकोट जिल्ला बारेकोट गाउँपालिका १ रामिडाँडा केन्द्रबिन्दु भए शुक्रबार राति ११ः४७ मा गएको ६.४ म्याग्निच्यूडको भुकम्पले ठुलो मानबिय क्षति गरेको छ । उक्त घटनाप्रति दुख ब्यक्त गर्दै सहज रुपमा सेवा पुराउने उद्देश्यले कम्पनीले सहायता कक्ष तयार गरेको हो ।
कम्पनीले एक सूचना प्रकाशित गरी घाइतेहरुको शीघ्र एवं प्रभावकारी उद्धारको लागि आवश्यक सहयोग पुर्याउन पहल गरिसकेको र थप मद्दत गर्न सक्दो कदम चाल्ने जानकारी दिएको छ ।
साथै यस कठिन समयमा जीवन बीमा दाबी भुक्तानीको लागि सम्पूर्ण कर्मचारीहरू तथा अभिकर्ताहरुलाई विपदको घडीमा आ–आफ्नो क्षेत्रबाट बीमा दाबी लगायतका आवश्यक हरसम्भव सहयोग गर्न कम्पनीले आग्रह गरेको छ।
प्रतिक्रिया दिनुहोस्