सिंहदरबार संवाददाता
काठमाडौं । सानिमा बैंकको आज बिहीबार बसेको १९औं वार्षिक साधारणसभाले चुक्ता पुँजीको कुल १४.७० प्रतिशत लाभांश वितरण गर्ने प्रस्ताव पारित गरेको छ ।
उक्त बैंकका अध्यक्ष तुकप्रसाद पौडेलको अध्यक्षतामा भएको साे सभाले सञ्चालक समितिले प्रस्ताव गरेअनुसार हालको चुक्ता पुँजीको ९ प्रतिशत बोनस सेयर र ५.७० प्रतिशत नगद लाभांश प्रदान गर्ने प्रस्ताव पारित गरेको छ ।
आर्थिक वर्ष २०७९/८० मा २.६१ अर्ब रुपैयाँ खुद मुनाफा गरेको सानिमा बैंकको कुल सम्पत्ति २१५.६४ अर्ब रुपैयाँ, कुल निक्षेप १७८.८५ अर्ब रुपैयाँ तथा खुद कर्जा सापटी १४९.८७ अर्ब रुपैयाँ रहेको छ । आर्थिक वर्ष २०७८÷७९ को तुलनामा निक्षेप, कर्जा सापटी र कुल सम्पत्तिमा क्रमशः १२.५६, ५.७८ र १२.०२ प्रतिशतले वृद्धि गरेको छ ।
बैंकको वित्तीय परिसूचक (असार मसान्त २०८०)
| निष्क्रिय कर्जा | १.३१ % |
| पुँजीकोष | १४.४२ % |
| तरलता | ३०.०१ % |
| कर्जा निक्षेप अनुपात (मासिक औसत) | ७९ % |
प्रतिक्रिया दिनुहोस्