सिंहदरबार संवाददाता
काठमाडाैं । सानिमा सेक्युरिटीज लिमिटेड ब्रोकर नम्बर ८३ ले असोज २९ गते सोमबारदेखि आफ्नो कारोबार बिधिवत रूपमा सुरुवात गरेको छ ।
उक्त कार्यक्रमको उद्घाटन सानिमा बैंकका प्रमुख कार्यकारी अधिकृत निश्चलराज पाण्डे र यस सानिमा सेक्युरिटीज लिमिटेडका सञ्चालकहरुले संयुक्त रूपमा गरेका छन् ।
उद्घाटन् समारोहमा सानिमा बैंक लिमिटेडका प्रमुख कार्यकारी अधिकृत पाण्डेले सानिमा सेक्यरिटीजको विधिवत रूपमा कारोबार सञ्चालनमा आएकोमा बधाई ज्ञापन गर्दै सबल अनि विश्वसनीय धितोपत्र दलालका रूपमा निरन्तर विस्तार हुन र थप सफलताको लागि शुभकामना व्यक्त गर्नुका साथै ग्राहक तथा सरोकारवालाहरुलाई निरन्तर सहयोग तथा संरक्षणका लागि कृतज्ञता व्यक्त गरे ।
यस सानिमा सेक्युरिटीज लिमिटेडले मिति साउन १० गतेको दिन नेपाल धितोपत्र बोर्डबाट र भदाै २५ गते नेपाल स्टक एक्सचेन्ज लिमिटेडबाट सदस्यता प्राप्त गरेको थियो ।
प्रतिक्रिया दिनुहोस्