सुनको मूल्य तोलामा ८ सयले घट्यो, कतिमा हुँदैछ काराेबार?

काठमाडाैं । आइतबार पनि नेपाली बजारमा सुनकाे मूल्य प्रतितोला ८ सय र चाँदीको मूल्य ३५ रुपैयाँले घटेको छ। पाँच दिनमा सुनको भाउ प्रतितोला ४ हजार २ सय रुपैयाँ घटेको छ।

नेपाल सुनचाँदी व्यवसायी महासंघका अनुसार आज छापावाल सुन प्रतितोला १ लाख ८ हजार रुपैयाँ र तेजाबी सुन प्रतितोला १ लाख सात हजार ५ सय रुपैयाँमा कारोबार भइरहेको छ।

शुक्रबार छापावाल सुन प्रतितोला १ लाख ८ हजार ८ सय रुपैयाँ र तेजाबी सुन प्रतितोला १ लाख ८ हजार ३ सय ५० रुपैयाँमा कारोबार भएको थियो।

त्यसैगरी, आइतबार चाँदीको मूल्य पनि ३५ रुपैयाँले घटेको छ। शुक्रबार प्रतितोला १ हजार ३ सय ९५ रुपैयाँमा कारोबार भएको चाँदी आइतबार प्रतितोला १ हजार ३ सय ६० रुपैयाँमा किनबेच भइरहेको छ।

आज अन्तर्राष्ट्रिय बजारमा भने सुन प्रतिऔंस १८ सय ४९ अमेरिकी डलरमा कारोबार भइरहेको छ।