सिंहदरबार संवाददाता
काठमाडाैं । नेपालमा जीडब्लूएम सवारी साधनको आधिकारिक वितरकले आफ्नो बहुप्रतिक्षित इलेक्ट्रिक–क्रसओभर ओरा ०३ को डेलिभरी सुरू गरेको छ।
जीडब्लूएमले ओरा ०३ को लागि जेठ ३ मा बुकिङ खुला गरेको थियो र बुकिङ घोषणा गरेदेखि नै यस रेट्रो–मोर्डनिस्टिक इलेक्ट्रिक क्रसओभरको लागि ग्राहकहरूबाट निकै राम्रो प्रतिक्रिया पाइरहेको कम्पनीको भनाइ छ।
प्रिमियम लेथरेट सिट, पानोरोमिक सनरुफ, पावर एडजस्टेबल ड्राइभर सिट, डुअल १७.२५ इन्च इन्टिग्रेटेड डिस्प्ले टच, एडप्टिभ क्रुज कन्ट्रोल, वायरलेस चार्जर आदि जस्ता आधुनिक सुविधाहरू सहितको यसको टाइमलेस एक्सटेरियर र आकर्षक इन्टेरियरलाई ग्राहकहरूले मन पराइरहेका छन्।
ओरा ०३ मा ४८ केडब्ल्युएचको ब्याट्रीको साथ ४०० केएमएसको प्रभावशाली ड्राइभिङ रेन्ज रहेको छ। सुरक्षाको पक्षमा, ओरा ०३ देशका थोरै विद्युतीय सवारीहरूमध्ये एक हो जसले एएनसिएपी र युरोएनसिएपी दुवैमा फाइभ–स्टार प्राप्त गरेको छ जसले हरेक यात्रामा आत्मविश्वास जगाउने कम्पनीको भनाइ छ।
ओरा ०३ मा सिक्स ओमनिडायरेक्नसल एयरब्याग, अटोमेटिक इमर्जेन्सी ब्रेकिङ, ३६० डिग्री भ्यू क्यामेरा, अटोमेटिक भेहिकल होल्ड, एन्टी–लक ब्रेकिङ सिस्टम, इलेक्ट्रोनिक स्ट्याबिलिटी कन्ट्रोल, ट्र्याक्सन कन्ट्रोल सिस्टम आदि जस्ता सुरक्षा सुविधाहरू छन्।
प्रतिक्रिया दिनुहोस्