सिंहदरबार संवाददाता
बेइजिङ । बेइजिङको डिजिटल अर्थतन्त्रको थप मूल्य सन् २०२३ को पहिलो छ महिनामा ९१८.०५ अर्ब युआन (करिब १२७.५ अर्ब अमेरिकी डलर) पुगेको छ । यो बेइजिङ सहरको कुल गार्हस्थ्य उत्पादनको ४४.५ प्रतिशत हो।
बेइजिङ नगर अर्थशास्त्र तथा सूचना तथा प्रबिधिका उपप्रमुख वाङ लेईले डिजिटल अर्थव्यवस्था बेइजिङमा सबैभन्दा गतिशील नयाँ विकास चालक र उच्च गुणस्तरको विकासको लागि नयाँ इन्जिन बनेको बताए ।
वाङले भने, “बेइजिङले डिजिटल अर्थव्यवस्थाको विकासलाई बढावा दिन नीति र नियमहरूको एक श्रृङ्खला लागू गरी कार्यान्वयनमा ल्याएको छ ।
सन् २०२२ मा चीनको डिजिटल अर्थतन्त्रको मापन बढेर ५०.२ ट्रिलियन युआन पुगेको छ । देशको कुल गार्हस्थ्य उत्पादनमा डिजिटल अर्थव्यवस्थाको हिस्सा ४१.५ प्रतिशत पुगेको छ, जसले यसलाई स्थिर वृद्धि र रूपान्तरणको लागि एक महत्वपूर्ण आधार बनाएको छ ।
हाल, संसारभर देशहरूले डिजिटल अर्थव्यवस्थाका प्रमुख क्षेत्रहरूको विकासलाई तीव्रता दिइरहेका छन् र डिजिटल प्रबिधि र उद्योगहरू, औद्योगिक ‘डिजिटलाइजेसन’ र तथ्यांकीय क्षेत्रहरूमा सक्रिय रूपमा विकासका अवसरहरूलाई कब्जा गरिरहेका छन् । सिन्ह्रवा
प्रतिक्रिया दिनुहोस्