सिंहदरबार संवाददाता
काठमाडौं । सेयरप्रो सेक्यूरिटीज नेपालको उदीयमान सेयर दलाली सेवा प्रदान गर्ने कम्पनीले नयाँ ग्राहकहरुलाई लक्षित गरेर आकर्षक छुटका कार्यक्रमहरु सगौरव प्रस्तुत गरेको छ ।
सेयरप्रो सेक्यूरिटीज २०८० साल जेठ ९ गते धितोपत्र बोर्डबाट अनुमतिपत्र प्राप्त गरी मिति २०८० साल असार २८ गतेबाट धितोपत्र दलाली र निक्षेप सदस्यको सेवा प्रदान गर्र्र्दै आइरहेको छ ।
ग्राहकहरुको सन्तुष्टि प्रतिको प्रतिबद्धता अन्तर्गत ग्राहकहरुलाई लक्षीत गरी कम्पनीले आजकै मितिबाट लागु हुने गरी प्रथम ३६५ जना नयाँ ग्राहकहरुलाई डिम्याट खाता तथा मेरो सेयर सदस्यतामा शतप्रतिशत छुटको योजना सार्वजनिक गरेको छ ।
यस योजना अन्तर्गत पहिलो ३६५ जना ग्राहकले निःशुल्क डिम्याट खाता तथा मेरो सेयर सदस्यता लिई कारोबार गर्न सक्नेछन् । धितोपत्र बजारमा रुची राख्ने जो कोहि व्यक्तिले यो योजनामा सहभागी भई लाभ लिने विश्वास कम्पनीले लिएको छ ।
प्रतिक्रिया दिनुहोस्