सिंहदरबार संवाददाता
काठमाडाैं। धादिङको सिस्नेखोला र काठमाडौंको नागढुंगा सुरुङ मार्गको सहायक सुरुङको सोमबार अपराह्न ‘ब्रेक थ्रु’ भएको छ।
साे सुरुङकाे ब्रेक थ्रु गर्दा भौतिक पूर्वाधार तथा यातायातमन्त्री प्रकाश ज्वालालगायत उपस्थित थिए। यो सुरुङको लम्बाइ २ हजार ५ सय ५७ मिटर छ। सुरुङ आपतकालीन अवस्थाका लागि प्रयोगमा आउनेछ।
साे आयोजनाको मुख्य सुरुङ भने अब ५ सय मिटर खन्न बाँकी छ। मुख्य सुरुङ २ हजार ६ सय ८८ मिटर लामो हुनेछ। दसैंसम्म यो सुरुङ पनि ब्रेक थ्रु गर्ने गरी काम भइरहेको छ।
सुरुङ निर्माणको काम विसं २०७६ कात्तिक ४ देखि सुरू गरिएको थियो। सुरुङ निर्माणका लागि २२ अर्ब रुपैयाँ लाग्नेछ।
प्रतिक्रिया दिनुहोस्