सिंहदरबार संवाददाता
काठमाडाैं। सन नेपाल लाइफ इन्स्योरेन्स कम्पनी लिमिटेडको आईपीओ आज सोमबार बाँडफाँट गरिएको छ । कम्पनीले वैदेशिक रोजगारीमा गएका नेपालीहरूको लागि निष्कासन गरेको आईपीओ बिक्री प्रबन्धक नेपाल एसबिआई मर्चेन्ट बैंकिङको कार्यालयमा आईपीओ बाँडफाँट भएको हो।
उक्त कम्पनीले साउन १ गतेदेखि १५ गतेसम्म आईपीओ निष्कासन गरेको थियो । कम्पनीले अंकित मूल्य १०० रुपैयाँमा १ सय ३९ रुपैयाँ प्रिमियम थपेर प्रतिकित्ता २ सय ३९ रुपैयाँमा शेयर निष्कासन गरेको थियो ।
कम्पनीले वैदेशिक रोजगारीमा रहेका नेपालीहरूमा ९ लाख ६० हजार कित्ता आईपीओ निष्कासन गरेको थियो, जसमा २७ हजार ९ सय ५ आवेदकबाट कुल १७ लाख ७२ हजार ६२० कित्ता खरिदका लागि आवेदन परेको थियो । त्यसमध्ये २७ हजार ९ सय १ आवेदकबाट परेको १७ लाख ७२ हजार ६२० कित्ता सदर भएको छ भने ४ आवेदकबाट परेको ३ सय १० कित्ता बदर भएको छ ।
मागभन्दा बढी आवेदन परेका कारण यो आईपीओ गोलाप्रथाबाट बाँडफाँट गरिएको छ । जसअनुसार १० कित्तादेखि ४० कित्तासम्म आवेदन दिने ९ हजार ७४ जनाले मागबमोजिम सेयर पाएका छन् ।
यसैगरी ५० कित्तादेखि ३ हजार कित्तासम्म आवेदन दिने १८ हजार ८ सय २७ आवेदकले ४० कित्ताका दरले सेयर पाएका छन् । यी आवेदकहरूलाई ७ लाख ५३ हजार ८० कित्ता बाँडफाँट गरिएको छ । त्यस्तै, ५० देखि ३ हजार कित्तासम्मका लागि आवेदन दिने १८ हजार ८ सय २७ जना आवेदकमध्ये १६ सय २८ जनाले गोलाप्रथाबाट थप १० कित्ता सेयर पाएका छन् ।
प्रतिक्रिया दिनुहोस्