सिंहदरबार संवाददाता
काठमाडौं । साविकको साना किसान विकास लघुवित्त वित्तीय संस्था र आरएमडीसी लघुवित्त वित्तीय संस्था मर्जर पश्चात कायम सेयर नेप्सेमा सूचीकृत भएको छ । मर्जर पश्चात साना किसान लघुवित्त वित्तीय संस्थाको नाममा १ करोड ३६ लाख ४ हजार ५६९.३ कित्ता सेयर नेप्सेमा सूचीकृत भएको हो ।
दुबै लघुवित्तले मर्जर पश्चात असार २४ गतेदेखि एकीकृत कारोबार थाल्ने भएपछि १५ दिन सेयर कारोबार रोक्का गरेको थियो । मर्जर पश्चात कायम सेयर नेप्सेमा सूचीकृत भएपछि भोलि सोमबारदेखि नै लघुवित्तको सेयर दोस्रो बजारमा कारोबार हुनेछ ।
लघुवित्तको सेयरलाई नेप्सेले पहिलो कारोबारको लागि ८४८ रुपैयाँ ३६ पैसा ओपनिङ्ग रेन्ज प्रदान गरेको छ । सोही रेन्ज रहेर कम्पनीको सेयर कारोबार खुल्नेछ ।
लघुवित्तको सेयरलाई नेप्सले एसकेबीबीएल कारोबार संकेत प्रदान गरेको छ । यस्तै नेप्सेले साविकको आरएमडिसी लघुवित्तको सेयर सूचीकरण खारेज गरेको पनि जनाएको छ ।
प्रतिक्रिया दिनुहोस्