मंगलबार सुनको मूल्य तोलामा २ सयले बढ्याे, कतिमा काराेबार हुँदै छ ?

काठमाडौं । नेपाली बजारमा मंगलबार सुनको मूल्य तोलामा २ सय रुपैयाँले बढेको नेपाल सुनचाँदी व्यवसायी महासंघले जनाएको छ ।

यस दिन छापावाल सुन प्रतितोला १ लाख १२ हजार २ सय रुपैयाँमा कारोबार भएको छ । सोमबार सो सुन प्रतितोला १ लाख १२ हजार रुपैयाँमा कारोबार भएको थियो ।

तेजाबी सुन प्रतितोला १ लाख ११ हजार ६ सय ५० रुपैयाँमा कारोबार भइरहेको महासंघले जनाएको छ ।

आज चाँदीको मूल्य भने तोलामा ५ रुपैयाँले घटेर कारोबार भएको छ । चाँदी प्रतितोला १ हजार ४ सय ५५ रुपैयाँमा कारोबार भएको हो । सोमबार चाँदी प्रतितोला १ हजार ४ सय ६० रुपैयाँमा कारोबार भएको थियो ।