सिंहदरबार संवाददाता
काठमाडौं । फ्रेन्च डिएनएको सिट्रोन ई सी थ्री नेपालमा १ सयभन्दा बढी गाडी बुकिङ भएको कम्पनीले जनाएको छ । यो भारतमा बनेको विद्युतीय गाडीहरुमध्ये सबैभन्दा कम मूल्य पर्ने दाबी कम्पनीले गरेको छ ।
२९.२ किलोवाट आवर्स ब्याट्री प्याकद्वारा सञ्चालित ई सी थ्रीले ५७ हर्स्पावर पावर र १४३ एनएमको उच्चतम टर्कका साथ प्रभावशाली प्रदर्शन प्रदान गर्छ । विद्युतीय पावर ट्रेनले ई सी थ्रीलाई परम्परागत विद्युतीय गाडीहरूबाट अलग राख्दै द्रुत गति र रमाइलो ड्राइभिङ अनुभव प्रदान गर्छ । साथै, डीसी फास्ट चार्जरमा धेरैपटक चार्ज गर्दा पनि ब्याट्रीलाई असर नपर्ने कम्पनीले दाबी गरेको छ ।
मनमोहक र फ्युचरिस्टिक डिजाइन भएको ई सी थ्रीको स्लिक बडी, बोल्ड लाइनहरू र सुन्दर डिटेलहरूले आकर्षक सवारी साधनहरू उत्पादन गर्ने सिट्रोनको प्रतिबद्धतालाई दर्साउँछ । हेर्नमा बहुत आकर्षक डिजाइन हुनुको साथै यसको रेञ्ज पनि राम्रो छ ।
विद्युतीय गाडी भएकाले ई सी थ्रीले वातावरणीय स्वच्छतामा पनि योगदान पुर्याउँछ। आफ्नो कार्बन फुटप्रिन्ट घटाउँदै दिगो भविष्यतर्फ अगाडि बढ्न चाहने जोसुकैको लागि ई सी थ्री एउटा उपयुक्त रोजाइ हो । लाइभ भेरियन्टको मूल्य ३२ लाख ९९ हजार र फिल भेरियन्टको मूल्य ३४ लाख ९९ हजार रूपैयाँ रहेको छ । जुन भारतमा बनेको विद्युतीय गाडीहरुमध्ये सबैभन्दा कम मूल्य हो ।
यस मूल्य निर्धारण रणनीतिले गुणस्तर, कार्यसम्पादन वा शैलीमा सम्झौता नगरी विद्युतीय गतिशीलतालाई अँगाल्न उपभोक्ताहरूलाई थप सक्षम बनाउँछ । सिट्रोन ई सी थ्रीका दुवै भेरियन्टहरु एक लाखमा प्रि बुकिङ गर्न सकिनेछ ।
प्रतिक्रिया दिनुहोस्