सिंहदरबार संवाददाता
काठमाडौं । नेपाल धितोपत्र बोर्ड (सेबन)ले सिटीजन लाइफ इन्स्योरेन्स कम्पनीलाई साधारण सेयर (आईपीओ) निष्काशन गर्ने अनुमति दिएको छ । बोर्डले कम्पनीलाई आज (असार १९ गते) प्रिमियम मूल्यमा आईपीओ निष्काशन गर्ने अनुमति दिएको हो ।
बोर्डले कम्पनीलाई प्रतिकित्त अंकित मूल्य १०० रुपैयाँमा प्रतिकित्ता १४४ रुपैयाँ प्रिमियम थप गरेर २४४ रुपैयाँका दरले कुल २ अर्ब ६६ करोड ४० लाख रुपैयाँ बराबरको सेयर निष्काशन गर्ने अनुमति पाएको हो ।
कम्पनीले निष्काशन गर्न लागेको कुल सेयर १ करोड १२ लाख ५० हजार कित्ता मध्ये कर्मचारीका लागि ५ लाख ६२ हजार ५ सय कित्ता सेयर जारी सेयर छुट्याइएको छ भने बाँकी रहेको सेयर सर्वसाधारण लगानीकर्ताका लागि निष्काशन गर्नेछ ।
कम्पनीको आईपीओ निष्काशन तथा बिक्री प्रबन्धक एनआइएमबी एस क्यापिटल रहेको छ ।
प्रतिक्रिया दिनुहोस्