सिंहदरबार संवाददाता
काठमाडौं । साविकको सिवाईसी नेपाल लघुवित्त र आँधिखोला लघुवित्तबीच मर्जर पश्चात कायम हुन आएको सेयर नेप्सेमा सूचीकृत भएको छ । दुई लघुवित्त मर्जर पश्चात सिवाईसी नेपाल लघुवित्तको नाममा १० लाख ८२ हजार ९०० कित्ता सेयर नेप्सेमा सूचीकृत भएको हो ।
मर्जर पश्चात पहिलो कारोबारको लागि नेप्सेले १ हजार १७१ रुपैयाँ ओपनिङ्ग मूल्य तोकिएको छ । सोहि अनुसार सोमबारदेखि लघुवित्तको सेयर कारोबारमा आउनेछ ।
साविकको आँधिखोला लघुवित्तको सेयर सूचीकरण खारेज भएको नेप्सेले जनाएको छ ।
साविकको सिवाईसी नेपाल लघुवित्त र आँधिखोला लघुवित्तबीच १ः०.७० को अनुपातमा मर्ज हुदाँ कायम हुन आएको सो बरारबरको सेयर नेप्सेमा सूचीकृत भएको हो ।
यस्तै नेप्सेले मर्जर प्रयोजनको लागि रोक्का रहेको लघुवित्तको सेयर कारोबार पनि फुकुवा गरेको छ ।
प्रतिक्रिया दिनुहोस्