सिंहदरबार संवाददाता
काठमाडौं । नेप्सेमा इङ्वा हाइड्रोपावर लिमिटेडको सेयर साेमबार सूचीकृत भएको छ । उक्त कम्पनीको ६० लाख कित्ता सेयर आज नेप्सेमा सूचीकृत भएको हो ।
कम्पनीले सर्वसाधारण लगानीकर्ताहरुका लागि (वैदेशिक रोजगारीमा रहेका नेपाली,सामूहिक लगानी कोष,स्थानीय बासिन्दा र कर्मचारीहरु) समेत १८ लाख कित्ता र कम्पनीका संस्थापक सेयरधनीहरुले लगानी गरेको ४२ लाख कित्ता सेयर गरी जम्मा ६० लाख कित्ता सेयर नेप्सेमा सूचीकृत भएको हो ।
कम्पनीको सेयरलाई नेप्सेले न्यूनतम ९७ रुपैयाँ २९ पैसादेखि २९१ रुपैयाँ ८७ पैसा ओपनिङ रेन्ज प्रदान गरेको छ । सोही आधारमा रहेर कम्पनीको सेयर भाेलि (मंगलबार)देखि दोस्रो बजारमा कारोबारमा आउनेछ ।
प्रतिक्रिया दिनुहोस्