सिंहदरबार संवाददाता
काठमाडौं । हाम्रो गिफ्ट्सले सेवालाई थप विस्तार गरेको छ । जसअनुसार सेवालाई विश्वसनीय बनाउँदै देवयानी इन्टरनेसनल नेपालसँग सहकार्य गरेको छ । यसले विश्वभर छरिएर बसेका नेपालीले नेपालमा रहेका आफ्ना प्रियजनहरूलाई उपहार पठाउन सक्ने जनाइएको छ । देवयानी इन्टरनेसनलले नेपालमा भएका केएफसी र पिज्जा हटका फास्ट फुडहरू सञ्चालन गर्दै आएको छ।
यसै प्रक्रिया अनुरूप देवयानी इन्टरनेसनल र हाम्रो गिफ्टले पारस्परिक रूपमा लाभदायक कार्य सम्बन्ध स्थापना गर्ने उद्देश्यले समझदारी पत्रमा हस्ताक्षर गरेका छन् । यो साझेदारीपश्चात् विदेशमा रहेका नेपालीहरूले आफ्ना प्रियजनहरूलाई केएफसी र पिज्जा हटका परिकारहरू हाम्रो गिफ्टको नेटवर्कमार्फत पठाउन सक्नेछन् । यस साझेदारीबाट विदेशमा रहेका नेपाली नागरिकहरूलाई नेपालमा रहेका आफ्ना प्रियजनहरूसँग अझनजिक बनाउने विश्वास लिइएको छ ।
“यस प्लेटफर्मले नेपाल बाहिर बसोबास गर्ने व्यक्तिहरूले आफ्ना आफन्तसँगको भौतिक दूरीलाई कम गरी अझ मजबुत बनाउने ब्यहोरा देवयानी इन्टरनेशनल नेपालका प्रमुख वित्तीय अधिकृत रितुराज शाहले बताए ।
“यस सहकार्यले हामीलाई छिटो र भरपर्दो डेलिभरी सेवाहरू सुनिश्चित गरेर हाम्रा ग्राहकहरूलाई अझ बढी आनन्दको बातावरण रचना गर्नेछ र यो रणनीतिक गठबन्धनले बजारमा हाम्रो स्थिति बलियो बनाउने र विश्वव्यापी रूपमा नेपाली समुदायको सेवा गर्ने हाम्रो प्रतिबद्धतालाई बलियो बनाउनेछ “ हाम्रो गिफ्ट्सका निर्देशक मनिषमान महर्जनले बताए ।
प्रतिक्रिया दिनुहोस्