आइतबार नेप्से परिसूचक ५३ अंकले बढ्यो

काठमाडाैं। साताको पहिलो कारोबार दिन आज नेपाल स्टक एक्सचेञ्ज (नेप्से) परिसूचकमा उच्च अङ्कको वृद्धि देखिएको छ । आज नेप्से परिसूचक ५३.०३ अंक अर्थात् २.८४ प्रतिशतले बढेर १ हजार ९ सय १९.३७ अङ्कमा कायम भएको हो ।

आज २७० कम्पनीको ४५ लाख ५७ हजार एक सय ६९ कित्ता सेयर ३१ हजार २५२ पटक खरिद बिक्री हुँदा एक अर्ब ६५ करोड ६३ लाख ४० हजार ३ सय रूपैयाँ बराबरको कारोबार भएको छ ।

नेप्सेका सबै सूचक आज हरियो भएका छन् । सेन्सेटिभ इन्डेक्स ९.४९, फ्लोट इन्डेक्स ३.५९ र सेन्सेटिभ फ्लोट इन्डेक्स २.९४ अङ्कले बढेको छ । सबै समूहका उपसूचक पनि बढेका छन् । सबैभन्दा धेरै निर्जीवन बिमा समूहको उपसूचक ४०७.८ र जीवन बीमा समूहको उपसूचक ३४२.५ अंकले बढेको छ ।

बैंकिङ समूह १७.३५, विकास बैंक ११७.४५, वित्त ५२.७४ र होटल तथा पर्यटन समूह २७४.८४ अङ्कले बढेको छ । त्यसैगरी, जलविद्युत् ९१ दशमलव ३९, लगानी एक दशमलव ६२, उत्पादन तथा प्रशोधन १५७.८४, लघुवित्त ८८.९२, म्युचुअल फन्ड ०.१०, व्यापार ८२.८ र अन्य समूह ४२.३७ अङ्कले बढेको छ ।

आइजीआई प्रुडेन्सियल इन्स्योरेन्स लिमेटेडको सेयर मूल्यमा सकारात्मक सर्किट लागेको छ । आज १६ वटा कम्पनीको मात्रै शेयर मूल्य घटेको छ । सबैभन्दा धेरै गुमाउनेमा ‘१२ प्रतिशत आइसीएफसी फाइनान्स लिमिटेड डिबेन्चर २०८३’ को सेयर मूल्य एक दशमलव ९६ प्रतिशतले घटेको छ ।

आज सबैभन्दा धेरै शिवम् सिमेन्ट लिमिटेडको १५ करोड ८१ लाख ५४ हजार दुई सय ३८ रूपैयाँ बराबरको तीन लाख ३० हजार पाँच सय ४३ कित्ता सेयर किनबेच भएको छ ।