सिंहदरबार संवाददाता
काठमाडौं । ग्राहकको खाताबाट पैसा झिकेपछि एभरेष्ट बैंकका कर्मचारीसहित ९ जना पक्राउ परेका छन् । एभरेष्ट बैंकको इटहरी शाखाका प्रबन्धकसहित ९ जनालाई प्रहरीले पक्राउ गरेको हो । उनीहरुले पटक पटक गरि ग्राहकको एक करोड ५० लाख रुपैयाँ झिकेर आफैं प्रयोग गरेका थिए ।
विगत पाँच महिनाको अवधीमा एभरेष्ट बैंक इटहरी शाखाका अपरेशन हेड निरज प्रधानको नेतृत्वमा ग्राहकको खाताबाटै रकम चोरी गरेका हुन् । प्रहरीले राईसहित एभरेष्ट बैंकका थप ६ जना कर्मचारीलाई पनि पक्राउ गरेको छ ।
पक्राउ पर्नेमा बैंकको हाल गाईघाट शाखाका अपरेसन इन्चार्ज(तत्कालिन इटहरीका इञ्चार्ज) नीरज प्रधान, इटहरी शाखाका प्रबन्धक विश्वराज शाक्य, दावा लामा, मनोज घिमिरे, देवराज घिमिरे, रञ्जित पण्डित, पवित्रा कटुवाल, शंकर भुजेल र अजय खिउजु छन् ।
निरज प्रधानकै योजनामा बैंकका अन्य कर्मचारीसमेतको मिलेमतोमा ग्राहकको खाताबाटै रकम झिकेर अपचलन गरेको फेला परेको प्रहरीले जनाएको छ । उनीहरूले हालसम्म ३३ जना ग्राहकको खाताबाट १ करोड ५० लाख २३ हजार ४ सय ३४ रुपैयाँ ठगी गरेको देखिएको छ।
प्रतिक्रिया दिनुहोस्