सिंहदरबार संवाददाता
काठमाडौं । राष्ट्र उत्थान लघुवित्त वित्तीय संस्थाले सेयरधनीहरुलाई वितरण गर्न लाभांश घोषणा गरेको छ । लघुवित्तले गत आर्थिक वर्षको मुनाफाबाट सेयरधनीहरुलाई वितरण गर्न कुल १५ प्रतिशत लाभांश घोषणा गरेको हो ।
लघुवित्तको बैशाख १३ गते बसेको सञ्चालक समितिको बैठकले सो दरमा लाभांश वितरण गर्ने निर्णय गरेको हो ।
लघुवित्तले चुक्ता पूँजी २६ करोड रुपैयाँको १५ प्रतिशतका दरले हुन आउने ३ करोड ९० लाख रुपैयाँ लाभांश प्रस्ताव गरेको हो । जसमध्ये १४.२५ प्रतिशतका दरले हुन आउने ३ करोड ७० लाख ५० हजार रुपैयाा बराबरको बोनस सेयर र सोको कर प्रयोजनको लागि ०.७५ प्रतिशतका दरले हुन आउने १९ लाख ५० हजार रुपैयाँ बराबरको नगद लाभांश रहेको छ ।
लघुवित्तको उक्त प्रास्तावित लाभांश नेपाल राष्ट्र बैंकको स्वीकृति पश्चात आगामी वार्षिक साधारण सभाले पारित गरेपछि सम्बन्धीत सेयरधनीहरुले पाउनेछन् ।
प्रतिक्रिया दिनुहोस्