सिंहदरबार संवाददाता
काठमाडौं। हिमालयन एभरेष्ट इन्स्योरेन्सले आफ्नो २९ औं वार्षिक साधारण सभा सम्पन्न गरेको छ । आज राजधानीमा सम्पन्न गरेको याे सभा मर्जरपछिको भने पहिलो साधारण सभा हाे ।
नेपाल बीमा प्राधिकरणले चुक्ता पुँजी वृद्धिकाे ब्यवस्था गरेसँगै बीमा कम्पनीहरुले मर्जरको बाटो समाएका थिए । उक्त मर्जरपछि यस कम्पनीको चुक्ता पुँजी २ अर्ब ३० करोड रुपैयाँ पुगेको छ भने कम्पनीलाई अझै पनि थप २० करोड रुपैयाँ थप गरी पुँजी २ अर्ब ५० करोड रुपैयाँ पुयाउँनु पर्ने चुनौती छ ।
गएको साउन १ गतेदेखि आफ्नो एकिृत कारोबार सुरु गरेको उक्त कम्पनीले निर्विरोध रुपमा संचालक समितिको चयन गरेको छ भने सर्व साधारण सेयरधनीको तर्फबाट अजय रत्न स्थापित र हेम राज थापालाई संचालकमा छनोछ गरिएको छ । त्यस्तै, संस्थापक सेयरधनीमा महेन्द्र कृष्ण श्रेष्ठ, विजित कृष्ण श्रेष्ठ र भारती पाण्डे चयन भएका छन् ।
साधारण सभामा दिइएको जानकारी अनुसचार गत आर्थिक वर्षको मुनाफाबाट सेयर लगानीकर्तालाई चुक्ता पुँजीको २.७५ प्रतिशत बोनस सेयर र कर प्रयोजनका लागि ०.१४ प्रतिशत नगद लाभांश पारित गरेको छ ।
साथै, साधारण सभाले गत आव २०७८।७९ को वार्षिक प्रतिवेदन, सोही आवको अन्त्यसम्मको वासलात, नाफा नोक्सान हिसाब तथा नगद प्रवाह लगायतका वित्तीय विवरणमाथि छलफल गरी पारित गरेको छ ।
त्यस्तै, चालु आव २०७०।८० को लागि लेखापरीक्षक नियुक्त गर्ने र निजको पारिश्रमिक निर्धारण गर्ने, संस्थापक सेयरधनीहरुबाट प्रतिनिधित्व गर्ने तीन जना र सर्वसाधारण समूहतर्फबाट प्रतिनिधित्व गर्ने तीन जना सेयरधनीहरु निर्वाचित गर्ने प्रस्ताव पनि पारित गरेको छ ।
प्रतिक्रिया दिनुहोस्