सिंहदरबार संवाददाता
काठमाडौं । अर्थमन्त्री डा. प्रकाश शरण महत र नेपाल राष्ट्र बैंकका गभर्नर महाप्रसाद अधिकारीबीच सम्बन्ध सुधारको अभियान सुरु भएको छ । अर्थमन्त्रीको पदभार ग्रहण गरे लगत्तै डा. महतले गभर्नर महाप्रसाद अधिकारीलाई ‘मिलेर काम गरौं’ भनेका थिए ।
सोही क्रममा मंगलबार गभर्नर अधिकारी आफ्नो कोर टिम बोकेर अर्थमन्त्रालय पुगेका छन् । बैंकको ब्याजदर, बैंक विरुद्धको आन्दोलन, लघुुवित्तको समस्या, तरलताको अवस्था, रेमिटेन्स, आर्थिक वृद्धिदरको लक्ष्य लगायतका बिषयमा मन्त्री र गभर्नरको टिमबीच छलफल जारी छ ।
प्रतिक्रिया दिनुहोस्