सिंहदरबार संवाददाता
काठमाडौं । सेयर बजारको निरन्तर गिरावटको विषयले संसदमा प्रवेश पाएको छ । कुनै बेलाका चर्चित लगानीकर्ता तथा हालका सांसद हरि ढकालले संसदमा सेयर बजारको निरन्तर गिरावट सम्बन्धी बिषयमा सरकारको ध्यानाकर्षण गराएका हुन् । आइतबारको संसद बैठकको शुन्य समयमा बोल्दै उनले सरकारले सेयर बजारका लगानीकर्ताले कति रकम गुमाएपछि ध्यान दिने हो भनि प्रश्न गरेका हुन् ।
‘शुन्य समयमा हामीले उठान गरेका विषयहरु शुन्यतामै बिलिन नहोस् । लगातार १९ महिनादेखि ओरालो लागेको सेयर बजारबाट लगानीकर्ताले १४ खर्ब लगानी गुमाईसकेका छन् । अब कति खर्ब गुमाएपछि सरकारले ध्यान दिने हो ? ध्यान पुर्याउने हो ? लगानीकर्ताले अब कति रकम ? कति लगानी गुमाउनुपर्ने हो ?’, सांसद ढकालले भने ।
प्रतिक्रिया दिनुहोस्