सिंहदरबार संवाददाता
काठमाडौं । नेपाल इन्फ्रास्ट्रक्चर बैंक(निफ्रा)बाट बाहिरिएको २४ घण्टा नपुग्ने व्यवसायी चन्द्र ढकाललाई अर्काे झट्का लागेको छ । नेपाल राष्ट्र बैंकले विदेशी बिनियम विभागले एकिकृत निर्देशनलाई संसोधन गर्दै चन्द्र ढकालले ग्लोबल आइएमई बैंक वा आइएमईमध्ये एक संस्था छाड्नुपर्ने व्यवस्था गरिदिएको हो ।
यस अघि ढकाल स्वार्थ बाझिने गरि नेपाल राष्ट्र बैंकबाट इजाजत प्राप्त ग्लोबल आइएमई बैंक र निफ्राको सञ्चालक समितिमा थिए । दुईमध्ये एक संस्थाबाट राजीनामा गर्न नेपाल राष्ट्र बैंकले मौखिक निर्देशन दिएपछि ढकालले कार्य व्यवस्थताको बाध्यता बताउँदै निफ्राको सञ्चालक समितिबाट राजीनामा गरेका थिए ।
निफ्रा छाडेको २४ घण्टा नपुग्दै राष्ट्र बैंकले अर्काे नयाँ व्यवस्था अघि सारेर ढकाललाई ग्लोबल आइएमई बैंक वा आइएमईमध्ये एक संस्थाको सञ्चालक समिति छाड्नुपर्ने बाध्यात्मक परिस्थिति उत्पन्न भएको हो । ढकाल हाल ग्लोबल आइएमई बैंकको अध्यक्ष छन् । उनी आइएमई लिमिटेडको पनि अध्यक्ष छन् । दुबै संस्थालाई नेपाल राष्ट्र बैंकले लाइसेन्स दिएको हो ।
‘यस बैंकबाट इजाजतपत्रप्राप्त बैंक तथा वित्तीय संस्था र भुक्तानी सम्बन्धी कार्य गर्न अनुमतिप्राप्त संस्थामा सञ्चालक/पदाधिकारी पदमा बहाल रहेको व्यक्ति एकै पटक यस बैंकबाट इजाजतपत्रप्राप्त मनिचेञ्जर र वा विप्रेषण कम्पनीमा सञ्चालक/पदाधिकारी पदमा बहाल रहन पाउने छैन । साथै, यस बैंकबाट इजाजतपत्रप्राप्त मनिचेञ्जर/विप्रेषण कम्पनीको सञ्चालक/पदाधिकारी पदमा बहाल रहेको व्यक्ति एकै पटक अन्य मनिचेञ्जर र वा विप्रेषण कम्पनीमा सञ्चालक/पदाधिकारी पदमा बहाल रहन पाउने छैन ।’, नेपाल राष्ट्र बैंकको विदेशी विनियम व्यवस्थापन विभागले जारी गरेको नयाँ नियममा भनिएको छ ।
अब ढकालले २०८० असोज मसान्त अवधीमा ग्लोबल आइएमई बैंक र आइएमईमध्ये एक संस्थाको मात्रै सञ्चालक पद रोज्नुपर्नेछ ।
स्वार्थ बाँझिने गरी निफ्रा र ग्लोबल आइएमई बैंकको बोर्डमा चन्द्र ढकाल, हटाउने तयारीमा राष्ट्र बैंक
राष्ट्र बैंकको निर्देशनपछि निफ्राबाट चन्द्र ढकालले दिए राजीनामा
प्रतिक्रिया दिनुहोस्