सिंहदरबार संवाददाता
काठमाडौं । किसान लघुवित्त वित्तीय संस्थाले सेयरधनीहरुलाई वितरण गर्नका लागि लाभांश घोषणा गरेको छ । लघुवित्तले गत आर्थिक वर्षको संचित मुनाफाबाट सेयरधनीहरुलाई वितरण गर्न कुल ७.३६८४ प्रतिशत लाभांश घोषणा गरेको हो ।
लघुवित्तको फागुन ९ गते बसेको सञ्चालक समितिको बैठकले सो दरमा लाभांश वितरण गर्ने निर्णय गरेको हो।
लघुवित्तले हाल कायम चुक्ता पूँजी ४७ करोड १३ लाख ७० हजार रुपैयाँको ७.३६८४ प्रतिशतका दरले हुन आउने ३ करोड ४७ लाख ३२ हजार रुपैयाँ बराबरको लाभांश वितरण गर्ने निर्णय गरेको छ । जसमा ७ प्रतिशतका दरले हुन आउने ३ करोड २९ लाख ९५ हजार रुपैयाँ बराबरको बोनस सेयर र कर प्रयोजनार्थका लागि ०.३६८४ प्रतिशतका दरले हुन आउने १७ लाख ३६ हजार रुपैयाँ बराबरको नगद लाभांश रहेको छ ।
लघुवित्तको उक्त प्रस्तावित लाभांश नेपाल राष्ट्र बैंकबाट स्वीकृत भई आगामी वार्षिक साधारण सभाले पारित गरेपश्चात सेयरधनीहरुलाई वितरण गर्न योग्य हुनेछ ।
प्रतिक्रिया दिनुहोस्