सिंहदरबार संवाददाता
काठमाडौं । बामपन्थी नेता बामदेव गौतम पनि एकिकृत समाजवादी पार्टीमा प्रवेश गर्ने भएका छन् । एकिकृत समाजवादी पार्टीसँग आफ्नो विचार मिलेकाले आफु सो पार्टीमा जान लागेको उनले आफु निकट युवा नेताहरुलाई बताएका छन् । गौतमले बाम एकताका लागि आफुले पहल गर्ने र त्यसका लागि एकिकृत समाजवादीबाट आरम्भ गर्ने बताएका हुन् । गौतम नेकपा(एमाले)को पूर्व उपाध्यक्ष हुन् । नेकपा विभाजनपछि उनले बाम एकता राष्ट्रिय अभियान गठन गरेर बसेका थिए ।
केहि समय अघि मात्रै अर्का बामपन्थी नेता घनाश्यम भुषाल एकिकृत समाजवादी प्रवेश गरेका थिए । गौतमलाई भित्र्याएपछि भिम रावललाई ल्याउने तयारीमा समाजवादीका नेताहरु लागि परेका छन् ।
प्रतिक्रिया दिनुहोस्