सिंहदरबार संवाददाता
काठमाडौं । नम्बर वान बैंक बन्ने दौडमा रहेको ग्लोबल आइएमईले चालु आर्थिक वर्षको पुस मसान्त अवधीसम्ममा २ अर्ब ७८ करोड रुपैयाँ नाफा आर्जन गरेको छ । बैंकले गत आर्थिक वर्षको सोही अवधीमा २ अर्ब ६६ करोड रुपैयाँ नाफा आर्जन गरेको थियो ।
ग्लोबलले चालु आवको ६ महिनामा एक अर्ब ११ करोड रुपैयाँ वितरण योग्य नाफा आर्जन गरेको छ । ३५ अर्ब ७७ करोड रुपैयाँ चुक्ता पुँजी रहेको बैंकका रिजर्भमा १८ अर्ब ३१ करोड रुपैयाँ रहेको छ ।
बैंक अफ काठमाण्डूसँग मर्जर गरेको ग्लोबलले ४ खर्ब ३ अर्ब निक्षेप संकलन गरेर ३ खर्ब ६३ अर्ब रुपैयाँ कर्जा लगानी गरि ६ अर्ब ५४ करोड रुपैयाँ खुद ब्याज आम्दानी गरेको छ । १८.०७ रुपैयाँ प्रति सेयर रहेको बैंकको प्रति सेयर नेटवर्थ १५४.३४ रुपैयाँ रहेको छ ।
२.९२ प्रतिशत खराब कर्जा रहेको ग्लोबलको सीडी रेसियो ८९.४३ प्रतिशत छ । १०.८० प्रतिशत आधार ब्याजदर रहेको बैंकको स्प्रेड भने ४.३८ प्रतिशत रहेको छ ।
प्रतिक्रिया दिनुहोस्