सिंहदरबार संवाददाता
काठमाडौं । नेकपा माओवादी केन्द्रले एमाले महासचिव शंकर पोखरेललाई पराजित गर्ने महिला नेतृ रेखा शर्मालाई सञ्चार मन्त्री बनाउने भएको छ । उनी यस अघि पनि समान्य प्रशासन मन्त्री भैसकेकी नेतृ हुन् । दाङमा एमाले महासचिव पोखरेललाई पराजित गर्दै निर्वाचित भएपछि उनी मन्त्री बन्ने चर्चा थियो । नभन्दै माओवादीले शर्मालाई सञ्चार मन्त्रालयको जिम्मा दिएको छ ।
उता, भोजपुरबाट निर्वाचन जितेका सुदन किराँतीले पर्यटन मन्त्रालयको जिम्मा पाएका छन् । प्रदेश १ को पूर्व मुख्यमन्त्री समेत रहेका एमाले नेता शेरधन राईलाई पराजित गर्दै किराँतीले संसदको यात्रामा ह्याट्रिक गरेका थिए ।
मोरङबाट चुनाव जितेका अमनलाल मोदी पनि मन्त्री बन्दैछन् ।
प्रतिक्रिया दिनुहोस्