सिंहदरबार संवाददाता
काठमाडौं । नेपाल स्टक एक्सचेन्ज (नेप्से)मा एभरेष्ट बैंकको सेयर सूचिकृत भएको छ । बिहिबार बैंकको ४ लाख कित्ता सेयर नेप्सेमा सूचिकृत भएको हो ।
बैंकको अग्राधिकार सेयर साधारण सेयरमा परिवर्तन भएपछि त्यसलाई नेप्सेमा सूचीकरण गराइएको हो ।
बिहिबार अंकित मूल्य १०० रुपैयाँका दरले बैंकको ४ लाख कित्ता सेयर नेप्सेमा सूचिकृत भएको छ । उक्त सूचिकृत सेयर धितोपत्र सूचिकरण विनियमावली २०७५ बमोजिम नेपाल स्टक एक्सचेन्जमा कारोबार हुने गरी सूचिकरण गरिएको हो ।
नेप्सेको पुस २१ गते बसेको संचालक समितिको बैंठको निर्णय अनुसार सो सेयर सूचिकृत गरेको हो ।
अब नेप्सेमा एभरेष्ट बैंकको कुल ९ करोड ४६ लाख ७३ हजार ४०३ कित्ता सेयर सूचिकृत भएको छ ।
प्रतिक्रिया दिनुहोस्