सिंहदरबार संवाददाता
काठमाडौं । महालक्ष्मी लाईफ इन्स्योरेन्स लिमिटेडले गएको हप्ता देशका विभिन्न ठाउँहरुमा “महिला सशक्तिकरणमा महालक्ष्मी लाईफ” कार्यक्रम सम्पन्न गरेको छ । महिला समूदायलाई तालिम दिने, रोजगारीमा आवद्ध गर्ने र आय आर्जन गराउने उद्देश्यले यो कार्यक्रम संचालन भएको हो ।
पौष ४ गतेबाट शुभारम्भ भएको यो अभियान गएको हप्ता पोखरा, बेनी, बुटबल, लम्की, चन्द्रगढी, बीरगञ्ज र बेलौरीमा पनि सम्पन्न भएको छ । पौष १६ गते बुटबलको ग्रिन भ्यालि पार्टि प्यालेसमा लक्ष्मी रायमाझीको अध्यक्षतामा सम्पन्न कार्यक्रममा ५० जनाको सहभागिता थियो । शाखा प्रमुख गणेश भुसालले संचालन गरेको कार्यक्रममा आर्यन खान र मार्केटिङ मेनेजर यम लाल न्यौपानेले महिला सशक्तिकरणमा महालक्ष्मी लाईफले ल्याएको यो अभियानले सकारात्मक भुमिका खेल्ने विश्वास व्यक्त गरे ।
त्यसै गरी सोहि दिन बेनीमा प्रमुख कार्यकारी अधिकृत रमेश कुमार भट्टराईको अध्यक्षतामा महिला सशक्तिकरण कार्यक्रम सम्पन्न भयो । प्रमुख अतिथि तथा जिल्ला समन्वय समितिका अध्यक्ष दिल कुमारी घर्तिले महिलाहरुको तालिम र रोजगारीमा यो कार्यक्रम प्रभावकारी हुने विश्वास व्यक्त गरिन । कार्यक्रममा कम्पनीका प्रमुख बजार अधिकृत प्रशान्तराज धमला, बेनी अस्पतालका डा. विराज आचार्य, कम्पनीको धौलागिरी प्रमुख जमुना आचार्य र समाजसेवी नीरमाया पुर्जा पुन गुरुङ ले कार्यक्रमको महत्व बारेमा प्रकाश पारे । कार्यक्रममा ६० जना महिलाहरुको सहभागिता रहेको थियो ।
पौष १७ गते आइतबार बेलौरी उद्योग वाणिज्य संघको भवनमा पनि महिला सशक्तिकरण सम्बन्धी कार्यक्रम सम्पन्न भएको छ । ५५ जना महिलाहरुको सहभागिता रहेको कार्यक्रमको अध्यक्षता बेलौरी न.पा. वडा नं ७ का वडा सदस्य विन्द्रावती रानाले गरेका थिए । कम्पनीका कार्यालय प्रमुख प्रदिप तिवारीले संचालन गरेको कार्यक्रममा स्वागत मन्तव्य लक्ष्मी बोहोरा र कार्यक्रमको महत्व बारेमा क्षेत्रिय प्रमुख हर्क बहादुर बोहोराले जानकारी गराएका थिए ।
पौष १६ गते नै महिला सशक्तिकरण सम्बन्धी छुट्टा छुट्टै कार्यक्रम पोखरा, लम्की, चन्द्रगढी र वीरगञ्जमा पनि सम्पन्न भएको छ । समाजका अगुवा महिला र जनप्रतिनिधिहरुको अध्यक्षतामा सम्पन्न कार्यक्रमले तालिम, रोजगारी र आय बृद्धिको यो कार्यक्रमले महिलाहरुको आत्मबल बढाउन र सशक्तिकरणमा ठुलो योगदान दिने विश्वास व्यक्त गरियो। महालक्ष्मी लाईफले यो कार्यक्रम आ.व. २०७९/८० भित्र ३० जिल्लामा संचालन गरी ६० जनालाई प्रत्यक्ष र ३,००० जना लाई अप्रत्येक्ष रोजगारी दिने लक्ष्य लिएको छ ।
प्रतिक्रिया दिनुहोस्