सिंहदरबार संवाददाता
काठमाडौं । युनाइटेड इन्स्योरेन्सले पुस २७ गते २९औं वार्षिक साधारण सभा बोलाएको छ । सभामा कम्पनीले ५.२६३२ प्रतिशत लाभांश वितरणको प्रस्ताव साधारणसभामा पेश गर्नेछ ।
सभाले संचालक समितिले प्रस्ताव गरे बमोजिम हाल चुक्ता पुँजीको ५ प्रतिशतले हुन आउने रकम ५ करोड १४ लाख ८ हजार रुपैयाँ बोनस सेयर र कर प्रयोजनका लागि नगद लाभांश ०.२६३२ प्रतिशतका दरले हुन आउने २७ लाख ५ हजार ६८४ रुपैयाँ २१ पैसा वितरण गर्ने प्रस्ताव अनुमोदन गर्ने छ ।
यस्तै, कम्पनीको संस्थापक सेयर तथा सर्वसाधारण सेयरको अनुपात बमाेजिम संचालक समितिको गठन गर्ने तथा सोही बमोजिम कम्पनीको प्रबन्धपत्र, नियमावलीमा आवश्यक संशोधन गर्ने विशेष प्रस्ताव समेत सभाले अनुमोदन गर्नेछ ।
उक्त सभाले संचालक समितिको तर्फबाट प्रस्तुत हुने २०७८/७९ को वार्षिक प्रतिवेदन, लेखापरीक्षको प्रतिवेदन सहित आव २०७८/७९ को वासलात, नाफा नोक्सन हिसाब, नगद प्रवाह वितरण सशित अनुसूचीहरु लगायतका सामान्य प्रस्ताव पारित गर्नेछ ।
त्यसैगरी, सभाले आव २०७९/८० को हिसाब किताब लेखापरीक्षण गर्नका लागि बाह्य लेखापरीक्षक नियुक्ति गर्ने तथा निजको पारिश्रमिक तोक्ने प्रस्ताव समेत साभाले अनुमोदन गर्नेछ । इन्स्योरेन्सले सभा र लाभांश प्रयोजनका लागि पुस १७ गते बुक क्लोज गर्ने भएको छ । सोहि अनुसार पुस १६ गतेसम्म नेप्सेमा कारोबार भइ कायम सेयरधनीहरुले मात्र कम्पनीको प्रस्तावित लाभांश पाउन र सभामा भाग लिन पाउनेछन्।
प्रतिक्रिया दिनुहोस्