काँग्रेस सरकार बनेपछि अडानीका दुई सिमेन्ट उद्योग बन्द

काठमाडौं । भारतको हिमाञ्चल प्रदेशमा काँग्रेस नेतृत्वमा सरकार बन्ने वित्तिकै अडानी समुहका दुई सिमेन्ट उद्योग बन्द भएका छन् । अडानी समुहका दुई उद्योग बन्द भएपछि हिमाञ्चलमा सिमेन्टको मूल्यमा वृद्धि हुन थालेको छ ।
अडानी समुहले हिमाञ्चलको गग्गलमा एसीसी सिमेन्ट र दर्लाघाटमा अम्बुजा सिमेन्ट उद्योग सञ्चालन गर्दै आएको थियो ।

हिमाञ्चलका नयाँ मुख्यमन्त्री सुखविन्दर सिंह सुक्खुले अमर उजालासँग बिशेष कुरा गर्दै सिमेन्ट उद्योग बन्द हुनुको कारण बताएका छन् । उनले भनेका छन्–‘यो मामला कानुनसँग जोडिएको छ, उद्योग युनियन र अडानी समुहबिचको विवाद हो, सरकार चाहान्छ की सम्झौता होस, उद्योग र मजदुर दुबैलाई नोक्सानी नहोस्, एउटा कुरा स्पष्टसँग भन्छु की हिमाञ्चलमा सिमेन्टको मूल्य कम हुनुपर्छ । पञ्चाबमा सिमेन्ट कम मूल्य प्राप्त हुने अनि हिमाञ्चलमा महंगो पर्ने भन्ने हुनै सक्दैन् ।’

अन्तरवार्तामा मुख्यमन्त्री सुक्खुले आफ्नो सरकार वृद्ध पेन्सन योजना फिर्ता दिन खोजिरहेको छ । पछिल्लो भाजपा सरकारले ७० हजार करोड ऋणको भार छाडेर गएको आरोप पनि उनले लगाएका छन् ।