सिंहदरबार संवाददाता
काठमाडौं । महिला लघुवित्तको आईपीओ १४ लाख ४४ हजार ५ सय ८८ जनाले माग गरेका छन् । करिब साढे १४ लाख आवेदकले २ अर्ब २४ करोड ८२ लाख ७२ हजार रुपैयाँ बराबरको २ करोड २४ लाख ८२ लाख ७ सय २० कित्ता सेयरका लागि आवेदन दिएका हुन् ।
मंगलबार साँझ ५ बजेसम्म सो संख्यामा आवेदन परेको कम्पनीको सेयर निष्काशन तथा बिक्री प्रबन्धक नेपाल एसबीआई मर्चेन्ट बैकिङले जानकारी दिएको छ ।
महिलाले ४ लाख कित्ता साधारण सेयर निष्काशन गरेकामा सर्वसाधारका लागि ३ लाख ७५ हजार कित्ता खुला गरिएको हो ।
यस अर्थमा कुल मागको ६० गुणा आवेदन परेको छ । आवेदनकर्ताको संख्याअनुसार ३८ गुणा बढीले आवेदन दिएका छन् ।
लघुवित्तको आईपीओ बुधबारसम्ममा आवेदन दिन सकिनेछ।
प्रतिक्रिया दिनुहोस्