सिंहदरबार संवाददाता
काठमाडौं । सेल्सबेरी डिपार्टमेन्ट (विभाग) स्टोरका ग्राहकहरुले अब नेपाल पे क्यूआर स्क्यान गरी भुक्तानी गर्दा १० प्रतिशत (अधिकतम १०० रुपैयाँ सम्मको) क्यासब्याक प्राप्त गर्न सक्नेछन् ।
क्यासब्याकको अफर नेपाल भरीका सेल्सबरीका शाखाहरुमा मंसिर २५ गतेदेखि पौष ३० गतेसम्म उपलब्ध हुनेछ ।
डाइनामिक (गतिशील) क्यूआरको रुपमा हालै उक्त डिपार्टमेन्ट स्टोरमा उपलब्ध भएको नेपाल पे क्यूआर ग्राहकले आफ्नो मोबाइल बैंकिङ्ग वा वालेट अथवा कनेक्ट आइपिएस मोबाइल एपबाट सजिलै स्क्यान गरी भुक्तानी गर्न सक्दछन् ।
सेल्सबरीमा नेपाल पे क्यूआरको सेवा हिमालयन बैंक तथा एमओसीओ फोकसवान् सोलुसन्स्को सहकार्यमा सुचारु गरिएको हो । देशको सबै भन्दा ठूलो रिटेल स्टोर मध्येको एक यस स्टोरमा लागू गरिएको उक्त अफर मार्फत नगद रहित भुक्तानीलाई थप प्रोत्साहन हुने विश्वास गरिएका छन् ।
हाल नेपाल पे क्यूआरको सुविधा एभरेष्ट बैंक, हिमालयन बैंक, लक्ष्मी बैंक, माछापुच्छ्रे बैंक, मेगा बैंक, नेपाल क्रेडिट एण्ड कमर्स बैंक, एनआइसी एसिया, सानिमा बैंक, सनराइज बैंक, गरिमा विकास बैंक, कामना सेवा बिकास बैंक, गुडविल फाइनान्स, आइसिएफसी फाइनान्स, सम्बृद्धि फाइनान्स,सेल पे, एमओआरयू र कनेक्ट आइपिएस मोबाइल एपमा उपलब्ध रहेको छ भने अन्य बैंक वित्तीय संस्थामा पनि चाँडै नै उपलब्ध हुने छ ।
भुक्तानी गर्न ग्राहकले आफ्नो मोबाइल बैंकिङ्ग वा वालेट एपको क्यूआर स्क्यान स्कृनमा नेपाल पेको लोगो रहेको यकिन गर्नुपर्ने हुन्छ ।
प्रतिक्रिया दिनुहोस्