सिंहदरबार संवाददाता
काठमाडौं ।निर्वाचन सकिएपछि खुलेको पहिलो कारोबारको दिन सेयर बजार सुस्त देखिएको छ । मंगलबार नेप्से परिसुचक घटेर बन्द भएको हो ।
निर्वाचनपछि बजार बढ्ने अनुमान गरिए पनि पहिलो कारोबारको दिन नै बजारले खासै गति लिन सकेन। यस दिन कारोबारको सुरुवातमा बजार केहि सकारात्मक देखिए पनि अन्त्यमा बजार घटेरै बन्द भएको हो ।
निर्वाचन सकिएलगतै खुलेको पहिलो कारोबारको दिन नेप्से परिसुचक ७.१३ अंकले घटेर १,९२९.७० को बिन्दुमा बन्द भएको छ ।
त्यसैगरि, ठुला कम्पनीको सेयर मापक सेन्सेटिभ इण्डेक्स पनि १.४६ अंकले घटेर ३७९.६० को बिन्दुमा बन्द भएको हो ।
यसदिन २२८ कम्पनीको ३७ लाख ६३ हजार ८३६ कित्ता सेयर १ अर्ब ३५ करोड २८ लाख ८५ हजार रुपैयाँमा खरिदबिक्री भए । सो दिन कारोबारमा आएको ५२ कम्पनीको सेयर मुल्य बढेको छ । १३२ कम्पनीको घटेको छ । भने, ६ कम्पनीको सेयर मूल्य स्थिर छ ।
जानाकी फाइनान्सको सेयर मूल्य सबैभन्दा बढी ६.२३ प्रतिशतले बढेको छ । खप्तड लघुवित्तको सेयर मूल्य ३.९९ प्रतिशत र धौलागीरि लघुवित्तको सेयर मूल्य ३.९७ प्रतिशतले बढेको छ । भने, यूनिलिभर नेपालको सेयर मुल्य सबैभन्दा बढी ५.५८ प्रतिशले घटेको छ ।
कारोबार रकमको आधारमा नेपाल बैंकको सेयर सर्वाधिक कारोबार भएको छ । बैंकको १२ करोड १६ लाख ८ हजार रुपैयाँ बराबरको सेयर खरिदबिक्री भएको हो ।
त्यस्तै, रिडी पावर कम्पनीको ८ करोड ६७ लाख ६३ हजार, हिमालयन डिस्टिलरीको ८ करोड ६० लाख १६ हजार, शिवम् सिमेन्टको ८ करोड ४३ लाख ६३ हजार र न्यादी ग्रुप पावर कम्पनीको ४ करोड ९० लाख १३ हजार रुपैयाँ बराबरको सेयर खरिदबिक्री भएको छ ।
विकास बैंकको ४९.९५, होटल १७.५५, उत्पादन तथा प्रशोधन समूहको ३९.४८, माइक्रोफाइनान्स १९.४४, निर्जीबन बीमा २५.१६, अन्य समूहको उपसूचक १७.७६ अंकले घटेको छ । यस्तै बैंकिङ समूहको उपसूचक १.२६, जीवन बीमा समूहको उपसूचक २.३६ अंकले बढेको छ ।
प्रतिक्रिया दिनुहोस्