सिंहदरबार संवाददाता
काठमाडौं । सगरमाथा इन्स्योरेन्स कम्पनीको नाफा ७०.५८ प्रतिशतले बढेको छ । कम्पनीले चालु आर्थिक वर्षको पुस मसान्त अवधीमा आफ्नो नाफा सो मात्रामा बढाएर १७ करोड ७२ लाख पुर्याएको हो । गत आवको सोही अवधीमा कम्पनीको नाफा १० करोड ३९ लाख रुपैयाँ थियो ।
कम्पनीको खुद बिमा शुल्क २१.७७ प्रतिशतले बढेर ६९ करोड २० लाख रुपैयाँ पुगेको छ । जबकी गत आवको सोही अवधीमा कम्पनीको त्यस्तो बीमा शुल्क ५६ करोड ६३ लाख रुपैयाँ थियो ।
बीमा कोष पनि ६२ करोड १३ लाखबाट बढेर ९० करोड २५ लाख रुपैयाँ पुगेको छ ।
कम्पनीले पुस मसान्त अवधीसम्ममा ५५ करोड ७९ लाख रुपैयाँ दाबी भुक्तानी गरेको छ । कम्पनीको प्रतिसेयर आम्दानी वार्षिक ३५ रुपैयाँ ४१ पैसा रहेको छ भने प्रतिसेयर नेटवर्थ २४५ रुपैयाँ ८७ पैसा छ ।
एक अर्ब १२ लाख रुपैयाँ चुक्ता पुँजी रहेको कम्पनीको जगेडा कोषमा ४३ करोड ५२ लाख रुपैयाँ छ ।
प्रतिक्रिया दिनुहोस्