यी हुन् तिहार र छठ पर्व बिदामा पनि बैंकिङ सेवा सुचारु राख्ने २४ वाणिज्य र ५ विकास बैंक

काठमाडौं । २०७९ सालको तिहार र छठ पर्वको बिदा काक्तिक ७ गते सोमबार लक्ष्मी पुजासँगै शुरु भएको छ ।

यस पटक तिहार र छठ पर्व समाप्त पछि पनि २ दिन अतिरिक्त बिदा परेको छ । भाइटिकाको भोलीपल्ट शुक्रबार सरकारले तिहार बिदा नै भनेर सार्वजनिक बिदा दिएको छ भने आइतबार समेत छठ पर्वको सार्वजनिक बिदा हुँदा यसपालीको तिहार बिदा लम्बिएको हो ।

काक्तिक ७ गतेदेखि शुरु भएको तिहार र छठ पर्वको बिदा काक्तिक १३ गवतेसम्म छ । भने, सरकारी तथा निजी क्षेत्रका विभिन्न संघ संस्था, प्रतिष्ठानसँगै बैंक तथा वित्तीय संस्थाहरु पनि काक्तिक १४ गतेदेखि मात्रै खुल्छन् ।

एक साताको तिहार र छठ पर्व बिदामा बैंक तथा वित्तीय संस्थाहरु बन्द हुने् हुँदा बैंकिङ कारोबार बिदा शुरु हुनु अघि काक्तिक ६ गतेसम्म समाप्त गरिसक्नु पर्ने चटारो सबैलाई थियो ।

यसबीच चेक साट्नु पर्ने भएमा वा पैसा झिक्नु वा राख्नुपर्ने भएमा तिहारको एक साता लामो बिदा पर्खिनु पर्ने हुन्छ । तर, यसबीच ग्राहकको आवश्यकतालाई ध्यान दिँदै २४ वटा वाणिज्य बैंक र ५ वटा विकास बैंकहरुले तिहारको बिदाको दिन समेत बैंकिङ सेवा दिने भएका छन् ।

तिहार बिदा शसरु हुनु अघि बैंकिङ कारोबार गर्न छुटेका वा तिहारबिदाबीचमै आवश्यक बैंकिङ कारोबार गर्नु पर्ने ग्राहकलाई सेवा दिन केही शाखा कार्यालय खुला गर्न लागेका हुन् ।

यसरी तिहार बिदामा पनि बैंकिङ सेवा दिन तयार अधिकांश बैंकहरुले भने भाइटिकाको दिन अर्थात् काक्तिक १० गते भने खुला गरिएका शाखा कार्यालय बन्द राख्ने उल्लेख गरेका छन् ।

तिहार र छठ पर्वको बिदामा खुला हुने अधिकाँश बैंकका शाखामा ग्राहकलाई निक्षेप झिक्ने र राख्ने वाहेकका अत्यावश्यक कारोबार मात्र हुने बैंकहरुले जनाएका छन् । यसरी बिदामा उपत्यका र बाहिरका केही प्रमुख स्थानहरु गरी वाणिज्य बैंकहरुले सातै प्रदेशमा कार्यतालिका बनाएर बैंकिङ सेवा प्रवाह गर्ने छन् ।

तिहार र छठपर्व बिदामा नेपाल सेञ्चुरी कर्मसियल बैंक र सिटिजन्स बैंक बाहेक सबै वाणिज्य बैंक र ५ राष्ट्रियस्तरका विकास बैंकहरु समेत खुला रहेने छन् ।

तिहार र छठ पर्वको बिदामा पनि शाखा कार्यालय खुला गर्ने बैंकले डिजिटल बैंकिङलाई प्रोत्साहन गर्दै बिहान १० बजेदेखि दिउँसो ३ बजेसम्म भौतिक बैंकिङ सेवा समेत दिने भएका हुन् ।

नेपाल बैंक: