सिंहदरबार संवाददाता
काठमाडौं । नारायणी डेभलपमेन्ट बैंकको संस्थापक सेयर बिक्री गर्ने भएको छ । बैंकले २२ हजार ८ सय १४ कित्ता संस्थापक सेयर बिक्री गर्न लागेको हो ।
बैंकले विद्यमान संस्थापक सेयरधनीहरुका नाममा रहेको उक्त सेयर बिक्री गर्ने भएको छ । बैंकको सो सेयर बिक्रीका लागि पहिलो प्रथामिकता संस्थापक सेयरधनीहरुलाई नै दिइएको छ । सो सेयर खरिद गर्न इच्छुक संस्थापक सेयरधनीहरुले ३५ दिन भित्र आवेदन दिन सक्नेछन् ।
३५ दिनभित्र सेयर खरिदका लागि संस्थापक सेयरधनीहरुबाट निवेदन नआए नियमअनुसार अन्य व्यक्ति संस्था अर्थात् जोसुकैका लागि बिक्री खुला गरिने छ । बैंकको सेयर खरिदका लागि आवेदन कम्पनीको केन्द्रीय कार्यालय रतननगर टाँडी चितवनबाट प्राप्त गर्न तथा बुझाउन सकिने बैंकले जनाएको छ ।
प्रतिक्रिया दिनुहोस्