सिंहदरबार संवाददाता
काठमाडौं । शुक्रबार नेपाली बजारमा सुनको मुल्य उच्च वुद्धि भएको छ । साताको अन्तिम कारोबारको दिन नेपाली बजारमा सुन तोलामै १ हजार रुपैयाँले वुद्धि भएको हो ।
शुक्रबार छापावल सुन प्रतितोला १ हजार रुपैयाँले बढेर ९२ हजार ८ सय रुपैयाँमा कारोबार भइरहेको छ । अघिल्लो दिन छापावल सुन प्रतिताेला ९१ हजार ८ सय रुपैयाँमा खरिदबिक्री भएको थियो ।
त्यसैगरि, तेजावी सुन पनि प्रतितोला १ हजार रुपैयाँले बढेको छ । शुक्रबार तेजावी सुन ९२ हजार ३ सय रुपैयाँमा कारोबार भइरहेको छ । अघिल्लो दिन तेजावी सुन प्रतितोला ९१ हजार ३ सय रुपैयाँमा खरिदबिक्री भएको थियो ।
नेपाल सुनचाँदी व्यवसायी महासंघका अनुसार चाँदीको मूल्य पनि बढेको छ । शुक्रबार चाँदी प्रतिताेला १५ रुपैयाँले बढेर १ हजार २ सय रुपैयाँमा कारोबार भइरहेको छ । अघिल्लो दिन चाँदी १ हजार १ सय ८५ रुपैयाँमा खरिदबिक्री भएको थियो ।
नेपालमा अन्तर्राष्ट्रिय बजार मूल्यको आधारमा सुनचाँदीको मूल्य निर्धारण गर्छ ।
प्रतिक्रिया दिनुहोस्