सिंहदरबार संवाददाता
काठमाडौं । लुम्बिनी विकास बैंकको ९३ हजार संस्थापक सेयर बिक्री गर्ने भएको छ । बैंकले विभिन्न संस्थापक सेयरधनीहरुको नाममा भएको सेयर बिक्री गर्न लागेको हो ।
बैंकले सुजन बराल, युगराज रेग्मी,अनन्तराज पोखरेल र गणेशराज रेग्मीको नाममा रहेको ९३ हजार ४ सय ७ कित्ता सेयर बिक्री गर्ने भएको हो ।
बैंकको उक्त सेयर खरिदका लागि पहिलो प्राथमिकता संस्थापक सेयरधनीलाई रहेको छ । सेयर खरिद गर्न इच्छुक संस्थापक सेयरधनीहरुले ३५ दिन भित्र आवेदन दिन सक्ने छ ।
आवेदन बैंकको मुख्य कार्यालय डिल्लीबजार काठमाडौंबाट दिन सकिन्छ। बैंकको सेयर सो समयभित्र पर्यायाप्त आवेदन नपरे बैंकले सेयर अन्य व्यक्ति तथा संस्थालाई बिक्री गर्नेछ ।
प्रतिक्रिया दिनुहोस्