सिंहदरबार संवाददाता
काठमाडौं । सिटिजन्स बैंक इन्टरनेसनलका ग्राहकहरुले ठमेल स्थित रमादा एन्कोर होटलमा बिशेष छुट पाउने भएका छन् । बैंकका कार्ड बाहक ग्राहकहरुले होटलमा १५ प्रतिशतसम्म छुट पाउने गरि सम्झौता भएको हो ।
सम्झौतबाट बैंकका ग्राहकहरु लाभान्वित हुने साथै नगद कारोबारबाट डिजिटल कारोबार तर्फ उत्प्रेरित हुने विश्वास बैंकले लिएको छ ।
यस प्रकारको सेवाबाट बैंकका ग्राहकहरुले सहज रुपमा सेवा प्राप्त गरि लाभान्वित हुने तथा डिजिटल बैंकिङ्ग सभ्यताको विकास हुने विश्वास बैंकले लिएको छ । सिटिजन्स बैंक इन्टरनेसनल लिमिटेडले देशैभरी फैलिएका आफ्ना १८० वटा शाखा, १३२ वटा एटिएम र ९६ वटा शाखा रहित बैंकिङ्ग ईकाईहरुबाट करिव १४ लाख ४६ हजार ग्राहकवर्गलाई आधुनिक बैंकिङ्ग सेवाहरु प्रदान गर्दै आएको छ ।
प्रतिक्रिया दिनुहोस्