सिंहदरबार संवाददाता
काठमाडौं । साताको अन्तिम कारोबारको दिन नेपाली बजारमा सुनको मूल्य घटेको छ । तिज नजिकिदै गर्दा सुनको मूल्य बढ्ने गरेकोमा अहिले भने घट्ने क्रम निरन्तरता पाएको हो ।
शुक्रबार छापावल सुन प्रतितोला ४ सय रुपैयाँले घटेर ९५ हजार ५ सय रुपैयाँमा कारोबार भइरहेको छ । अघिल्लो दिन छापावल सुन ९५ हजार ९ सय रुपैयाँमा खरिदबिक्री भएको थियो ।
नेपाल सुनचाँदी व्यवसायी महासंघका अनुसार तेजावी सुन प्रतितोला ४ सय रुपैयाँले घटेर ९५ हजार रुपैयाँमा कारोबार भइरहेको छ । अघिल्लो दिन तेजावी सुन ९५ हजार ४ सय रुपैयाँमा खरिदबिक्री भएको थियो ।
त्यस्तै महासंघका अनुसार चाँदी प्रतितोला १० रुपैयाँले घटेको जनाएको छ । शुक्रबार चाँदी प्रतितोला ११ सय ८५ रुपैयाँमा कारोबार भइरहेको छ । अघिल्लो दिन चाँदी ११ सय ९५ रुपैयाँमा खरिदबिक्री भएको थियो ।
नेपालमा अन्तर्राष्ट्रिय बजार मूल्यको आधारमा सुनचाँदीको मूल्य निर्धारण गर्छ ।
प्रतिक्रिया दिनुहोस्