सिंहदरबार संवाददाता
काठमाडौं । महालक्ष्मी विकास बैंकले गत आर्थिक वर्षमा ९५ करोड रुपैयाँ नाफा आर्जन गरेको छ । २०७८ असार मसान्तमा ६६ करोड रुपैयाँ नाफा कमाएको बैंकले २०७९ मा २९ प्रतिशत अर्थात ४३.९३ प्रतिशतले बढाएर ९५ करोड रुपैयाँ पुर्याएको हो ।
बैंकको वितरण योग्य नाफा नै ५८ करोड रुपैयाँ रहेको छ । ४ अर्ब एक करोड चुक्ता पुँजी रहेको बैंकले गत आर्थिक वर्षको कमाईबाटै लगानीकर्ताहरुलाई १४.४६ प्रतिशत लाभांश दिन सक्छ । बैंकको जगेडा कोषमा एक अर्ब ८२ करोड रुपैयाँ रहेको छ ।
महालक्ष्मीले गत आर्थिक वर्षमा ४२ अर्ब रुपैयाँ निक्षेप संकलन गरेर ३५ अर्ब रुपैयाँ कर्जा लगानी गर्दा एक अर्ब ८९ करोड रुपैयाँ खुद ब्याज आम्दानी गरेको छ । बैंकको प्रति सेयर आम्दानी २३.०९ रुपैयाँ छ भने प्रति सेयर नेटवर्थ १६०.०९ रुपैयाँ रहेको छ । बैंकको पिई रेसियो १५.९५ रुपैयाँ रहेको छ ।
प्रतिक्रिया दिनुहोस्