सिंहदरबार संवाददाता
काठमाडौं । अर्थमन्त्री जर्नादन शर्माले पदभार ग्रहण गरेका छन् । मन्त्री शर्माले राष्ट्रपति समक्ष शपथ ग्रहण पछि साउन १५ गते (आइतबार) साँझ नै अर्थ मन्त्रालयमा पदभार ग्रहण गरेका हुन् ।
मन्त्री शर्माको स्वागतको लागि मन्त्रालयले सबै कर्मचारीलाई कार्यालय समय सकिएपछि घर नजान निर्देशन दिएको थियो । मन्त्रालयमा अर्थमन्त्री शर्मालाई राजस्व सचिव कृष्णहरि पुष्कर लगायत सबै कर्मचारीले भव्य रुपमा ले स्वागत गरेका छन् । अर्थसचिव मधु मरासिनी भने आइतबार बिदामा रहेको हुँदा मन्त्री शर्माको स्वागतमा उपस्थित थिएनन् ।
चालु आर्थिक वर्षको बजेट निर्माणको क्रममा गत जेठ १४ गते राती अर्थमन्त्रालयकममा अनाधिकृत व्यक्ति प्रवेश गराइ करको दर हेरफेर गरेको विषय बाहिर आएपछि मन्त्री शर्मा विवादमा तानिए । सोही विवाद नेकपा एमालेले विरोध गर्दै संसदमा छानबिनको माग गरेको थियो । छानबिनमा सहजिकरण गर्ने भन्दै मन्त्री शर्माले सोही दिन बैठकमा बोल्दै राजिनामा दिएका थिए । उक्त विवादमा छानिबिन गर्न बनेको संसदीय छानबिन समितिले गत शुक्रबार उनको आरोप प्रमाणित नभएको प्रतिवेदन ससदमा पेश गरेपछि प्रधानमन्त्री शेरबहादुर देउवाले उनलाई अर्थमन्त्रीमा पुनः नियुक्ति गरेका हुन् ।
बजेट निर्माणका क्रमम अनधिकृत व्यक्ति प्रवेश गराएको आरोप लागेपछि प्रतिनिधिसभाले २२ असारमा शर्मामाथि छानबिनका लागि संसदीय समिति गठन गरेको थियो । त्यसै दिन शर्माले पनि अर्थमन्त्रीबाट राजीनामा दिएका थिए ।
तर संसदीय समितिले बजेट निर्माणमा अनधिकृत व्यक्तिको प्रवेशको पुष्टि नभएको प्रतिवेदन दिएको छ । समितिले प्रतिवेदन दिएको दुई दिनपछि प्रधानमन्त्री शेरबहादुर देउवाले पुन: शर्मालाई नै अर्थ मन्त्रालयको जिम्मेवारी दिएका हुन् ।
प्रतिक्रिया दिनुहोस्